12-ақпан күні 5-10 сыныптар арасында «Өзін-өзі тану: Махаббат пен Шығармашылық педагогикасы» онкүндігінің аяқталуына орай, әрі 12-ақпан «Алтын жүрек анамыз» Сара Алпысқызы Назарбаеваның туылған күніне орай «Жүрекке жол тапқан - мейірімді ана Сара Алпысқызы» атты қорытынды концерт болды. Мақсаты: Махаббат пен шығармашылық аясында оқушыларға махаббат, бақыттың құндылық ретіндегі мағынасы  және мейірімді адами қасиеті мен өзара көмек әрекеттері туралы түсінік беріп, қамқорлық жасау, көмек көрсету дағдыларын дамыта отыра, рухани адамгершілік қағидаларын өз бақыты үшін дұрыс қолдана білуге тәрбиелеу болатын. Оған өзін-өзі тану мұғалімдері М.С.Жумагалиева, З.А.Умбетова және бастауыш пән бірлестік жетекшісі Н.Тағаева ат салысты, сонымен қатар мектеп оқушылары да белсене қатысып, өз өнерлерін көрсетті.

2018-2019  оқу жылының 1-12 ақпан аралығында 1-11 сынып оқушыларының қатысуымен  «Өзін-өзі тану» пәнінің «Махаббат пен шығармашылық педагогикасы» атты тақырыбында онкүндік өткізіліп жатыр.

Қазақтың ұлы ағартушысы Ы.Алтынсарин "Мұғалімнің жұмысы – балалар. Ендеше балалар түсінбейтін болса, онда оқытушы олардың көкейіне қондыра алмағаны",- деген екен. Мектебіміздің ұстаздары оқушыларымызды білім нəрімен сусындатып, жаңаны түсіндіріп, көкейіне қондыру мақсатында сабақтарында түрлі əдіс-тəсілдерді қолдануда. Оған дəлел мектебіміздің білікті де тəжірибелі ұстазы Есмағамбетова Зубайданың математикадан 5-сыныптарға "Ондық бөлшектерді қосу жəне азайту", Мая Жумагалиеваның 7-сыныптарға қазақ əдебиетінен "Əлеуметтік желіні пайдаланамын", биология пəні мұғалімі Абдешова Анардың 7-сыныптарға "Жануарлардың қозғалыс мүшелері", дене тəрбиесі пəні мұғалімі Құлахмет Таңатардың 7-сыныптарға "Допты оң жəне сол аяқпен тура алып жүру" тақырыптарындағы өткізген ашық сабақтары. Мамандық таңдау -маңызды іс. Мектебіміздің 9-11-сынып оқушылары алдында да осы жауапты науқан тұр. Мектеп психологы Салтанат Хасанова аталған сыныптың жетекшілерімен бірлесе отырып, "Мен мамандық əлеміндемін" тақырыбында өткізген шарасы оқушыларымызға көп көмегі болды.

«Жалғыз сүйеніш, жалғыз үміт – оқуда... Надан жұрттың күні – қараң, келешегі - тұман» М.Дулатов

Білім берудің алғашқы атасы – бастауыш білім десек, бастауыш сынып мұғалімдері де əдістемелік онкүндіктің өз мəнінде өтуіне атсалысуда.

Бала жанының бағбаны, жас ұрпаққа білім мен тәрбие беретін мұғалім ары таза, әдепті, ой-өрісі кең, жан-жақты білімді, ұстамды болумен қатар үнемі ізденіп, білімін толықтырып отырса, оның өмірлік ұстанымы тұрақты, күш-қуаты, көңілі әрдайым жоғары, сабақ беру сапасы да арта түсіп, еңбегі еленері хақ.